Nei Reegelen bei der WM fir jonk Sprangpäerd

Nei Bestëmmungen fir d’Wuelbefanne vun de Päerd ze stäerken

Wéi verschidde Reitsportportaler zënter Mëtt Mee bericht hunn, hunn d’World Breeding Federation for Sport Horses (WBFSH) an den internationale Reitsportveräin FEI nei Reglunge fir d’Weltmeeschterschaften fir jonk Sprangpäerd ugeholl, déi d’Wuelbefanne vun den Déiere stäerke sollen. Konkret geet et ëm Mindestufuerderungen u Qualitéit an Neuerungen an de Prozedue fir ze riichte fir Prüfunge fir jonk Déieren. Mat de genannten neie Qualitéitsufuerderungen soll erreecht ginn, datt keng Déieren u Concouren deelhuelen, déi net genuch virbereet sinn.

Ob dat de Fall ass, gouf an de sougenannten “Minimum Eligibility Requirements” (MER) definéiert. Ziler vun dëse Kritären sinn en eenheetleche an transparente Qualifikatiounswee. Bei fënnjärege Sprangpäerd gëtt probéiert den Zäitdrock ze reduzéieren, fir “eng korrekt, pädagogesch wäertvoll Reitweis ze fërderen”, sou de Portal ehorses.de. Eng Idealzäit an net eng gestoppte Zäit gëtt bewäert. Mat dëser Reegel soll d’Entwécklung vu jonke Päerd besser ënnerstëtzt ginn.

Déi national Verbänn sinn zoustänneg fir d’Ëmsetzung an d’Anhale vun de neien Reegelen. Et geet leschten Endes laut spring-reiter.de dorëms, “d’Zukunft vum Sport ze sécheren, andeems d’Wettkampstrukturen un d’Bedierfnesser vun de jonke Päerd uangepasst ginn, wärend gläichzäiteg di héich sportlech Standarden vun de Meeschterschaften erhale bleiwen”. Detailer fannt Dir och op der Websäit wbfsh.com.